17/360 - என்றும் பயம் இல்லை

ஜ்யேஷ்ட பகுள த்ருதியை

17/360 என்றும் பயம் இல்லை

ஹரிதாச ஹ்ருதய

கன்னடப் புத்தகம்

ஆசிரியர்: திரு. A.B. ஷ்யாமாச்சார்

தமிழில்: T.V.சத்ய நாராயணன்

பயம் இல்லாத மனிதரில்லை. பிறந்ததிலிருந்து இறக்கும்வரை அனைத்திலும் பயமே. ‘அபய’ நாமகன் ஒருவனே இதற்கு தீர்வு/வழி. அனைத்து இடங்களிலும் ஸ்ரீஹரியை நினைப்பவர்களுக்கு என்றும் பயம் இல்லை என்று சொல்லி விளக்குகிறார் ஸ்ரீஜகன்னாததாசர். 

ஸ்னான ஜப தேவதார்ச்சனே வைஷ்வதேவ பலி

தான பாத்ராபாத்ர விதி நிஷேதகளு வி

க்ஞான விஹதாசரணெ சர்வத்ர நியம சுஹஸன வைராக்ய சக்தி |

ஸ்ரீனிவாசன பரம விமல லோகைக க

ல்யாண குணரூப க்ரியகளனு ஜட சேதனதி

தேனிஸுவ மனதி ஹிக்குத துதிஸி நலிவ சம

ஹானு பாவக்ஞரிகெ ஈரேளு லோகதலி

பவபயவில்லா பராவரேஷன சகல

டாவினலி சிந்திசுவ பாவக்ஞ ஜனரிகெ || -- ஸ்ரீஜகன்னாததாசர்

பயம் / துக்கம் நீங்கி, சுகம் பெறுவதற்கு மனிதன் என்ன செய்யவேண்டுமென்று ஜகன்னாததாசர் ஒரு பட்டியல் கொடுக்கிறார். தகுதிக்கேற்ப இவற்றைச் செய்து, தூய்மையான சிந்தனையுடன் நடக்க வேண்டிய, விதிகளுக்கேற்ப சொல்லப்பட்ட பட்டியல் இது. 

விதி பூர்வகமான ஸ்னானம், சந்தியா, மந்திரோபதேசம் பெற்ற ஜபம், தந்த்ரசாரத்தில் சொல்லப்பட்ட தேவதார்ச்சனை, பஞ்சமஹாயக்ஞங்கள், பகவந்தனைப் பற்றிய விசேஷ ஞானம், பாடம் படித்தல் / சொல்லுதல், டாம்பீகம் இல்லாத சாஸ்த்ரோக்தமான செயல்கள், கர்வம் பொறாமை இல்லாமல் இவற்றை பின்பற்ற வேண்டும். காம, குரோதங்கள் இல்லாமல் ஒரு மனதுடன், வைராக்யத்துடன் இருக்கவேண்டும். அனந்தகல்யாண குணபரிபூர்ண தோஷங்கள் அற்ற ஸ்ரீஹரியை நினைத்தவாறு - ஜட சேதன உலகத்தை அனாயாசமாக படைப்பவன் என்று நினைத்து - அனாதபந்துவான ஸ்ரீஹரி அனைவரின் காப்பாளன் என்று நினைத்து, பிரம்மன் முதலான அனைவராலும் வணங்கப்படுபவன் என்று நினைத்தால் - என்றும் யாருக்கும் பயப்படும் அவசியம் இல்லையென்று விளக்குகிறார். 

அவனு ஒலிதரெ இன்னேதர பய. அவனு ஒலிதரெ இன்னேதர சிந்தே ||

***