[பத்யம் #3] - ஹரிதாஸ த3ர்பண

[பத்யம் #3] - ஹரிதாஸ த3ர்பண

இயற்றியவர்: ஸ்ரீரமாகாந்த விட்டலதாஸர் (1906-1984)

தமிழில் உரை : ‘ஜகன்னாத கேசவ’ சத்ய நாராயணன்

***

[பத்யம் #3]

ப்ராணபதி ஸர்வோத்தமத்வத³

ஞான உதி³ஸலு தா³ஸ போ³தெ⁴யு

கா³னரூபதி³ மனெய மாதினொளிரலு குந்தே³னு |

ஞானிக³ளிக³பி⁴மதவு ப³ரித³பி⁴

மானதி³ம் ஜரியுவரு அக்ஞரு

ஜாணரிகெ³ ஸன்மார்க்க³தா³யக முகுதி காணிஸலு ||3 

ப்ராணபதி ஸர்வோத்தமத்வத - (பிராணதேவரின் ஸ்வாமியான) ஹரியின் ஸர்வோத்தமத்வத்தின்; ஞான உதிஸலு - ஞானத்தைக் கொடுப்பதற்காக; தாஸ போதெயு - தாஸ ஸாகித்யமானது; கானரூபதி - பாடல் (ஸாகித்ய) வடிவத்தில்; மனெய மனெயொளிரலு - அனைத்து வீடுகளிலும் பரவியிருக்க; குந்தேனு - என்ன பிரச்னை? (எதுவுமில்லை);  ஞானிகளிகபிமதவு - (இந்த ஹரிதாஸ ஸாகித்யமானது) ஞானிகளுக்கு பிடித்தமானது (சம்மதமானது) ; அக்ஞரு - அஞ்ஞானிகள் (இதனை); பரிதபிமானதிம் - வெறுப்புடன்; ஜரியுவரு - புறக்கணிப்பார்கள்; ஜாணரிகெ - அறிவாளிகளுக்கு;  முகுதி காணிஸலு - முக்தியை அடைவதற்கான; ஸன்மார்க்கதாயக - நல்வழியைக் காட்டுவதாக (இது இருக்கிறது). 

ஹரிதாஸ ஸாகித்யத்தின் அறிமுகமாக தொடங்கும் பத்யம் இது. ஹரிதாஸ ஸாகித்யத்தின் சிறப்பினை இங்கு விளக்கத் தொடங்குகிறார் ஸ்ரீதாசர். 

பிராணதேவரின் ஸ்வாமியான ஹரியின் ஸர்வோத்தமத்வத்தைப் பற்றிய ஞானத்தைக் கொடுப்பதற்காகவே, ஹரிதாஸ ஸாகித்யமானது, அனைத்து வீடுகளிலும், ஸாகித்ய (பாடல்) வடிவத்தில் பரவியிருக்கிறது. இத்தகைய ஹரிதாஸ ஸாகித்யமானது, ஞானிகளுக்கு சம்மதமானதாகும். அஞ்ஞானிகள் இதனை வெறுப்புடன் புறக்கணிப்பார்கள். அறிவாளிகளுக்கு, முக்தியை அடைவதற்கான, நல்வழியைக் காட்டுவதாக இது இருக்கிறது. 

கலுஷ வசனக³ளாதொ³டெ³யு பா³

ம்பொvளெய பெ¹த்தன பாத³மஹிமா

ஜலதி³ பொக்குத³ரிந்த³ மாண்த³பரெ மஹிஸுரரு ||(2-2) 

இந்த கிரந்தம், சம்ஸ்கிருத மொழியில் இல்லாமல், பேசுமொழியில் இருந்தாலும், ஸ்ரீபகவந்தனின் பாத சரித்திரத்தைப் பற்றி பேசுவதால், ஞானிகள் இதனை ஏற்றுக் கொள்ளாமல் இருப்பார்களா? -- என்று ஸ்ரீஜகன்னாததாசர், ஹரிகதாம்ருதசாரத்தில் கூறியிருக்கும் கருத்தை ஒட்டியே இந்த பத்யத்தின் அர்த்தமும் இருக்கிறது. 

ஹரிதாஸ ஸாகித்யம் முக்தியை அடைவதற்கான நல்வழியைக் காட்டுகிறது என்னும் விஷயத்தை ஸ்ரீவாதிராஜ குருஸார்வபௌமர் தன்னுடைய தத்வஸார (வைகுண்ட வர்ணனெ) என்னும் கிரந்தத்தில் இவ்வாறு கூறியிருக்கிறார். 

கன்னடி³யொளு தோர்ப்பந்தெ பூர்ணப்ரக்ஞர மத

து³ன்னத தத்வ ஸாரவனு

கன்னடி³ஸி ப³ண்ணிஸித³ வாதி³ராஜமுனிய

பி³ன்னபவென்னல மன்னிபுது³ ||

(தத்வஸார) 

ஸர்வக்ஞரின் (ஸ்ரீமத்வாசார்யரின்) சித்தாந்தத்தின், சிறந்த தத்வங்களின் சாரத்தை. (எளிமையான) கன்னடத்தில் தெளிவாக புரியுமாறு. (சம்ஸ்கிருதத்திலிருந்து) கன்னட மொழியில் மொழிபெயர்த்து. வர்ணிக்கும் நான் (வாதிராஜர்) கூறும் அனைத்தையும், (முக்கிய தத்வங்களின் நிரூபணையை), விடாமல் பின்பற்றவும். பகவந்தனின் மற்றும் பகவத் பக்தரின் சிறப்புகளை, குணகானங்களுடன் பாடுவது, புண்ணியத்தைக் கொடுக்கிறது. பாடுவதும், கேட்பதும் பக்திபூர்வகமாக இருந்தால், காதிற்கு இனிமை. மனதிற்கு மகிழ்ச்சி மட்டுமல்ல, ஆத்ம உத்தாரகமே ஆகிறது -- என்கிறார் ஸ்ரீவாதிராஜர்.

***