[பத்யம் #90] - ஹரிதாஸ த3ர்பண [Haridasa Darpana]

[பத்யம் #90] - ஹரிதாஸ த3ர்பண [Haridasa Darpana]

இயற்றியவர்: ஸ்ரீரமாகாந்த விட்டலதாஸர் (1906-1984)

தமிழில் உரை : ‘ஜகன்னாத கேசவ’ சத்ய நாராயணன்

***

[பத்யம் #90]

முந்தி³வரு அனுப⁴விப மஹதா³

நந்த³ வைப⁴வ பேளலஸத³ள

ச²ந்த³தா³ க்ருபெயிந்த³ ஹ்ருத³யத³ மந்தி³ரவ மத்⁴யெ |

ஸுந்த³ராக்ருதி பி³ம்ப³த³ர்ஷன

தி³ந்த³ த்ருப்தரு திளிவுதி³வரு வ

ஸுந்த⁴ரெய மேலிர்து³ வர்தி¹ப லக்‌ஷணக³ளிந்த³ ||90 

(முந்தைய பத்யத்தில் பார்த்தவரை) முந்திவரு - அடுத்து இவர்; அனுபவிப மஹதானந்த - மிகப்பெரிய ஆனந்தத்தை (முக்தியை); வைபவ - அதன் சிறப்புகளை; பேளலஸதள - வர்ணிக்க முடியுமா? (முடியாது); சந்ததா - (பகவந்தனின்) அற்புதமான; க்ருபெயிந்த - அருளால்; ஹ்ருதயத மந்திரவ மத்யெ - இதயக் கோயிலின் நடுவில்; ஸுந்தராக்ருதி பிம்பதர்ஷனதிந்த - மிகவும் அழகான பிம்ப தரிசன மூர்த்தியினால்; த்ருப்தரு - மிகவும் திருப்தியுடன் காணப்படுபவார்கள்; வஸுந்தரெய - இந்த உலகில்; மேலிர்து வர்திப - இருந்து, இவர்கள் செய்யும் செயல்களால்; லக்‌ஷணகளிந்த - இவர்களின் லட்சணங்களிலிருந்து; திளிவுது - இது தெரிகிறது. 

இத்தகைய பக்குவமடைந்த நிலையில் இருப்பவரின் லட்சணங்களை இந்த பத்யத்தில் விளக்குகிறார் ஸ்ரீரமாகாந்த விட்டல தாஸர். 

அடுத்து இந்த பக்குவமடைந்த ஸாதனா ஜீவி, அடுத்து அனுபவிக்க இருப்பதான முக்தியைப் பற்றி வர்ணிக்க முடியுமா? (முடியாது). பகவந்தனின் அற்புதமான அருளால், இதயக் கோயிலின் நடுவில் மிகவும் அழகான பிம்ப தரிசன மூர்த்தியினால் மிகவும் திருப்தியுடன் காணப்படுவார்கள். இந்த உலகிலிருந்து, இவர்கள் செய்யும் இத்தகைய செயல்களால், இவர்களுடைய லட்சணங்களிலிருந்து இது தெரிகிறது.

***