[பத்யம் #49] - ஹரிதாஸ த3ர்பண [Haridasa Darpana]

[பத்யம் #49] - ஹரிதாஸ த3ர்பண [Haridasa Darpana]

இயற்றியவர்: ஸ்ரீரமாகாந்த விட்டலதாஸர் (1906-1984)

தமிழில் உரை : ‘ஜகன்னாத கேசவ’ சத்ய நாராயணன்

*** 

[பத்யம் #49]

இத³கனந்தர இருதிஹுது³ ப³ஹு

வித³வித³த³ ஸாத⁴னத³ மார்க்க³வு

முதvதி³ ஜீவர மூலயோக்³யதெக³ளனு அனுஸரிஸி

மத³ட³னெனிஸதெ³ ஸாரி கு³ருக³ள

பதெ³பதெ³கெ³ ஸேவெயலி மெச்சிஸி

ஹத³வரிது¹ ஸ்வீகரிஸு தா³ஸ்யத³ பி³ருதி³னங்கிதவ ||49 

இதனகந்தர - இதன் பிறகு; ஜீவர மூலயோக்யதெகளனு அனுஸரிஸி - அந்த ஜீவனின் மூலயோக்யதைகளுக்கேற்ப; பஹு விதவிதத - பலவிதமான; ஸாதனத மார்க்கவு - ஸாதனை மார்க்கங்கள்; இருதிஹுது - இருக்கின்றன; முததி - மகிழ்ச்சியுடன்; மதடனெனிஸதெ - அஞ்ஞானியாக இருக்காமல்; ஸாரி - சென்று; குருகள பதெபதெகெ - குருகளின் ஒவ்வொரு தேவைக்கேற்பவும்; ஸேவெயலி மெச்சிஸி - சேவைகளை செய்து அவரை மகிழ்வித்து; ஹதவிரிது - விதிகளை அறிந்து; தாஸ்யத - ஹரிதாஸ்யத்தின்; பிருதினங்கிதவ - விருதான அங்கிதத்தை (அவரிடமிருந்து); ஸ்வீகரிஸு - ஏற்றுக் கொள்; 

இதன் பிறகு, ஒரு தக்க குருவினை அடைந்து, அவரிடமிருந்து அங்கிதத்தைப் பெற வேண்டும் என்கிறார் ஸ்ரீரமாகாந்த விட்டல தாஸர். 

அந்த ஜீவனின் மூலயோக்யதைகளுக்கேற்ப, பலவிதமான, ஸாதனை மார்க்கங்கள் இருக்கின்றன. அஞ்ஞானியாக இருக்காமல், குருகளின் ஒவ்வொரு தேவைக்கேற்பவும், சேவைகளை செய்து, அவரை மகிழ்வித்து, விதிகளின்படி, ஹரிதாஸ்யத்தின் விருதான அங்கிதத்தைப் பெற வேண்டும். 

குருவின் மகிமைகளையும், குருவின் சேவைக்கான பலன்களையும் முன்னர் பல உதாரணங்களுடன் பார்த்திருக்கிறோம். 

ப³ரிதெ³ ஜலதொளு முளுகி³ பி³ஸிலொளு

பெரளனெணிஸிதரேனு சத்கு³ரு

ஹிரியரனுசரிஸித³ர மர்மவனரியதி³ஹ நரனு ||(7-14) 

ஒரு ஸத்குருவை அணுகி, அவரின் அருளைப் பெறாமல், தீர்த்தக்‌ஷேத்திரங்களுக்கு செல்வதோ, விரல்களை எண்ணியவாறு பல்வேறு ஜபங்களை செய்வதோ எவ்வித பலன்களையும் தருமா? என்று கேட்கிறார் ஸ்ரீஜகன்னாததாஸர்.

***