[பத்யம் #109] - ஹரிதாஸ த3ர்பண [Haridasa Darpana]

[பத்யம் #109] - ஹரிதாஸ த3ர்பண [Haridasa Darpana]

இயற்றியவர்: ஸ்ரீரமாகாந்த விட்டலதாஸர் (1906-1984)

தமிழில் உரை : ‘ஜகன்னாத கேசவ’ சத்ய நாராயணன்

***

[பத்யம் 109]

எடெ³யொளகெ³ ப³டி³ஸிருவ நானா

ஷ²டு³ர ஸான்ன பதா³ர்த்த²தொ³ளகி³

த்³த³டகி³த⁴பிமானிக³ள தத்³க³த ஹரிய ரூபக³ள |

பி³ட³தெ³ சிந்திஸி ஸர்வஜீவர

ஒட³லிகொ³த³கி³ஸி நிருத ஸலஹுவ

ம்ருடஸக²ன ஸம்ஸ்மரிஸி உம்பு³தெ³ நித்ய உபவாஸ ||109 

எடெயொளகெ - இலையில்; படிஸிருவ - பரிமாறியிருக்கும்; நானா - பற்பல விதமான; ஷடுரஸான்ன - அறுசுவை கொண்ட; பதார்த்ததொளு - பதார்த்தங்களில்; இத்தடகித - அடங்கியிருக்கும்; அபிமானிகளின் - தத்வாபிமானிகளின்; தத்கத - அந்தர்யாமியான; ஹரிய ரூபகள - ஸ்ரீஹரியின் ரூபங்களை; பிடதெ சிந்திஸி - தொடர்ந்து சிந்தித்து; ஸர்வஜீவர - அனைத்து ஜீவர்களின்; ஒடலிகொதகிஸி - உடலில் இருந்து கொண்டு; நிருத ஸலஹுவ - எப்போதும் நிறைந்திருந்து காக்கும்; ம்ருடஸகன - விஷ்ணுவை; ஸம்ஸ்மரிஸி - சிந்தித்துக் கொண்டே; உம்புதே - உண்பதே; நித்ய உபவாஸ - (அந்த சாப்பாடும்) உபவாஸத்தைப் போன்றதே ஆகும். 

உணவுப் பதார்தங்களில் செய்ய வேண்டிய அனுசந்தானங்களைப் பற்றி ஸ்ரீதாஸர் இந்த பத்யத்தில் விளக்குகிறார். 

இலையில் பரிமாறியிருக்கும் பற்பல விதமான அறுசுவை கொண்ட பதார்த்தங்களில் அடங்கியிருக்கும் தத்வாபிமானிகளின் அந்தர்யாமியான ஸ்ரீஹரியின் ரூபங்களை தொடர்ந்து சிந்தித்து, அனைத்து ஜீவர்களின் உடலில் எப்போதும் நிறைந்திருந்து காக்கும் விஷ்ணுவை சிந்தித்துக் கொண்டே உண்பதானது, உபவாஸத்தைப் போன்றதாகும். 

இதையே ஸ்ரீஜகன்னாததாஸர், ஹரிகதாம்ருதஸார நைவேத்ய பிரகரண ஸந்தியில் இவ்வாறு கூறியிருக்கிறார். 

நூதன ஸமீசீன ஸுரஸோ

பேத ஹ்ருத்³ய பதார்த்த²தொ³ளு விதி⁴

மாதெ தத்தத் ரஸக³ளொளு ரஸரூப தானாகி³ |

ப்ரீதிப³டி³ஸுத நித்யதி³ ஜக³

ந்னாத²விட²லன கூடி³ தா நி

ர்பீ⁴தளாகி³ஹளெந்த³ரிது³ நீ ப⁴ஜிஸி ஸுகி²ஸுதிரு ||25 

புதியதாகவும், உத்தமமாகவும், மிகச்சிறந்த சுவைகளால் நிரம்பியும் இருக்கும் பதார்த்தங்களில் ரமாதேவியர் அந்தந்த சுவைகளில் தானே சுவையின் ரூபமாக இருந்து, ஸ்ரீஹரியை திருப்திப்படுத்தியவாறு, பரமாத்மனுடன் பிரியாமல் சேர்ந்திருந்து, பயப்படாமல் இருக்கிறாள் என்று அறிந்து, ஸ்ரீஜகன்னாதவிட்டலனை வணங்கியவாறு மகிழ்ச்சியோடு இரு

****