#97 - 276-277-278 நாமங்கள் - ப்ரஸன்ன ஸ்ரீவிஷ்ணு ஸஹஸ்ர நாம ஸ்தோத்ர பாஷ்யம்

ஸ்ரீபிரஸன்ன ஸ்ரீனிவாஸ தாஸர் இயற்றிய

ப்ரஸன்ன ஸ்ரீவிஷ்ணு ஸஹஸ்ர நாம ஸ்தோத்ர பாஷ்ய

கன்னட கிருதியின் தமிழ் அர்த்த விளக்கங்கள்

எழுதுபவர் : ‘ஜகன்னாத கேசவ’ சத்ய நாராயணன்

*** 

276. ஸ்ரீ வஸவே நம:

த்³ரவ்யக்கெ ஸ்வாமி நீனு ‘வஸு’ நமோ நமோ நினகெ³

ஸர்வவ்யாபி ‘வாஸிதந்தெ ஜக³த்ரயம் வாஸுதே³வ’

ஜீவாச்சாத³ன பரமாச்சாத³ன கர்தனாகி³ஹி

த்³ரவ்ய ஸர்வதொ³ளிருவி ஏக ஏவ பரமாத்ம 

த்ரவ்யங்களைக் கொடுப்பதில் நீயே ‘வஸு’வாக இருக்கிறாய். உனக்கு என் நமஸ்காரங்கள். அனைத்து இடங்களிலும் வ்யாப்தனாக இருக்கிறாய். மூன்று உலகங்களிலும் இருப்பதால் உனக்கு வாஸுதேவ என்று பெயர். ஜீவாச்சாதன, பரமாச்சாதன என்னும் இரு உறைகளை விலக்குபவனாக நீ அனைவரிலும் இருக்கிறாய். நீ ஒருவனே பரமாத்மன். ஸர்வோத்தமன். 

277. ஸ்ரீ நைகரூபாய நம:

ப³ஹுஅஶ்வக³ள மேலெ கொடு³வந்த² ‘நைகரூப’

அஹர்நிஶி நமோ எம்பெ³ அஶ்வோத்பாத³க அஶ்வேஷ

பி³ரம்ம ஶிவ வந்தி³த அனந்தரூப ஶ்ருதிக்ஞேய

ப³ஹுத³ஶ ஸஹஸ்ரானந்த விஶ்வரூப ஏகாத்மா 

பற்பல குதிரைகளை (செல்வங்களை) அருள்பவனான ‘நைகரூபனே’ உனக்கு இரவும் பகலுமாக நமஸ்காரம் செய்கிறேன். செல்வங்களை உருவாக்குபவனே. செல்வங்களின் நாயகனே. பிரம்ம ருத்ரர்களால் வணங்கப்படுபவனே. அனந்த ரூபம் கொண்டவனே. ஶ்ருதிகளால் வணங்கப்படுபவனே. பத்து, ஆயிரம், விஶ்வரூப என பற்பல விதமான ரூபங்களைக் கொண்டவனே. ஏகாத்மனே. 

278. ஸ்ரீ ப்³ருஹத்³ரூபாய நம:

கு³ணவுள்ள ஸோமரஸ ப்ராபகனு ‘ப்³ருஹத்ரூப’

ஆ நமோ சராசர ஸமஸ்தவாத³ பூ⁴ க³க³ன

கு³ணதே³ஶ காலவஸ்து வ்யாப்தனு பரிச்சேத³

நினகி³ல்ல நீ அணோரணீயான் மஹிதொமஹீயான் 

ஸோமரஸத்தினை வரவழைத்தவனே ‘ப்ருஹத்ரூபனே’ உனக்கு என் நமஸ்காரங்கள். சராசரமான அனைத்து ஜீவர்களிலும் - பூமியில், வானில் இருக்கும் அனைத்து ஜீவர்களிலும் - குண, தேஶ, காலங்களால் அவற்றில் நிறைந்திருப்பவனே. உனக்கு எவ்வித மாற்றங்களும் இல்லை. நீ அணுவை விட சிறியவனாகவும், பெரியதைவிட பெரியதாகவும் இருக்கிறாய்.

***